Kungiyar ƙwararrun masu tallafa wa alhazai ta kafofin watsa labarai (AHMSP) ta ba da shawarar samun goyon baya ba tare da haɗin kai tsakanin masu ruwa da tsaki a harkar aikin Hajji domin amfanin alhazan Nijeriya.
Kungiyar AHMSP mai zaman kanta ta kwararrun ‘yan jaridu masu daukar rahoton aikin haji a Najeriya, ta bukaci masu hannu da shuni da masu ruwa da tsaki a harkar da su goyi bayan shirye-shirye da kokarin hukumar alhazai ta kasa (NAHCON) na tabbatar da aikin hajjin bana.
Kwararrun wadanda ke sa ido da kuma bayar da rahoton ayyukan Hajji game da mahajjatan Najeriya, sun damu matuka game da abubuwa mara kyau da kuma daukar nauyin labaran da kafafen yada labarai ke yi game da mai kula da aikin Hajji na baya-bayan nan, duk da cewa ayyukan Hajji na 2025 ke kara kankakama.
A wata sanarwa mai dauke da sa hannun Ibrahim Abubakar Nagarta, kodinetan kungiyar AHMSP na kasa, ya yi imanin cewa, a daidai lokacin da ake kara kaimi wajen gudanar da aikin hajjin 2025, hakan na kawo tasgaro ga ci gaba ya kamata kowa ya gyara.
A maimakon haka, kungiyar ta AHMSP ta bukaci masu ruwa da tsaki da su dauki muhimmancin aikin Hajji a matsayin kira mai tsarki na bautawa Allah Madaukakin Sarki fiye da sauran mas’aloli na yau da kullum da na kebantattu, inda ya kara da cewa karkatar da ayyuka masu muhimmanci a wannan lokaci ba ya samun wata riba mai ma’ana.
AHMSP ta bayar da misali da irin dimbin nasarorin da aka samu tun kafin a fara jigilar maniyyata ta jirgin sama, inda ta jaddada cewa NAHCON a karkashin jagorancin Farfesa Abdullahi Usman Saleh ta cancanci yabo daga masu ruwa da tsaki.
Kungiyar ta yi kira ga masu ruwa da tsaki da su guji yin duk wani mataki da zai kawo cikas ga shirin da NAHCON ke yi na jigilar ‘yan Najeriya sama da 52,000 zuwa kasar Saudiyya domin yin atisayen ibada .
“Ba abin mamaki ba ne yadda aikin Hajji da al’amuran da ke faruwa a kewayen hukumar Alhazan Najeriya ke jan hankalin kafafen yada labarai daban-daban, wato yaduwar lamarin na nuni da muhimmancin aikin hajji a Najeriya.
“AHMSP ya sanya ido a kan ayyukan NAHCON da shirye-shiryen aikin hajjin 2025 a cikin watan da ya gabata, ta kuma shaida samun cimma gaggarumar nasarori da hukumar ta samu kawo yanzu a karkashin jagorancin Farfesa Abdullahi Usman Saleh.
“Mun ga yadda hukumar NAHCON ta yanzu ta biya kudaden daga Saudiyya, kudaden da ba a yi wa hidima ba a aikin hajjin da ta gabata, Farfesa Saleh, ya ba da umarnin a gaggauta raba kudaden ga dukkan maniyyatan da abin ya shafa a shekarar 2023. Wannan matakin ya nuna matukar gaskiya da tsoron Allah.
“Har ila yau, AHMSP ta lura da jajircewar Farfesa Abdullahi Saleh Usman wajen yin shawarwarin sake duba tsadar ayyuka da kuma samun rangwame a kan masauki, sufuri, ciyarwa da sauran hidimomi a Masha’ir. Wannan ci gaban ya haifar da raguwar farashin aikin Hajji na 2025 gaba ɗaya bisa tsammanin samun ƙarin farashi daga halin rashin tabbas na ƙasar.
“Saboda duk wata matsala, hukumar ta kuma dauki nauyin gudanar da ayyukanta, tare da samar da mazaunii na tafiye-tafiye na karta kwana gabanin wa’adin, ko da ma’aikatan ba za su iya tara kudaden da wuri ba.
