A yayin da ake shirye-shiryen ci gaban aikin Hajjin 2025, Hukumar Alhazai ta Najeriya (NAHCON) ta kira wani muhimmin taro da Sakatarorin Zartarwa Hukumomin kula da Jin Dadin Alhazai na jahohi a ranar Litinin 23 ga Satumba, 2024, taron yana da mahimmanci kan yadda aka sa ran aikin haji mai zuwa
A sanarawar da mataimakiyar Daraktar harkokin hulda da jama’a ta hukumar, Fatima Sanda Usara ta sanyayawa hannu, tace a yayin fara taron, kwamishinan ayyuka na NAHCON, Prince Anofi Olanrewaju Elegushi, Kwamishinan, yana ba da jawabi game da abubuwan da suka faru kwanan nan daga Masarautar Saudiyya, musamman daga ma’aikatar Hajji da Umrah (MoHU).
Wani mahimmin batu daga tattaunawar da aka yi ta na’ura tare da Ma’aikatar kula da aikin Haji da Umrah ta Saudia, shi ne sabuwar sanarwar dake nuni da cewa daga yanzu Kamfanin Mu’assasa karkashin kulawar ma’aikatar kula da aikin Haji da Umrah, shi ne zai rinka aikin ciyar da abinci da kuma masaukin mahajjata a Makkah da Madina, kamar yadda ake yi a yanzu Masha’ir.
Za a aiwatar da wannan manufa, wacce ta shafi dukkan kasashen da ke halartar aikin Hajji daga aikin hajjin 2025.
Abin lura ne cewa ma’aikatar kula da aikin Haji da Umrah ta gabatar da aniyarta na gudanar da aikin ciyarwa a Masha’ir tun a shekarar 2022, wanda daga baya aka fara aiwatarwa a wannan shekarar. Yarima Elegushi ya nanata kudurin NAHCON na daidaitawa da Ma’aikatar aikin Hajjin Saudiyya kalanda tare da jaddada bukatar hadin kai tsakanin dukkan masu ruwa da tsaki.
Ya yabawa Sakatarorin zartaswa na hukumomin alhazai na jahohi saboda yadda suka himmatu wajen sanar da mafi karancin kudin Aikin Hajji, ya ba su kwarin gwiwar ci gaba da wannan kokari. Bugu da ƙari, Kwamishinan ya bukaci Sakatarorin da su takardunsu game da adadin kujerun da aka basu da lasisin aikin Hajji na 2025.
Ya kuma shawarce su da su nemi ayi gyare-gyare a cikin adadin da aka basu kamar yadda ya cancanta. Bugu da ƙari kuma, Prince Elegushi ya bayar Karin bayani kan dawo da kudaden da ake jira na aikin Hajjin 2024, wanda har yanzu ake dakon hukunci daga hukumomin Saudiyya.
A jawabinsa,shugaban kungiyar Sakatarorin Alhazai na jahohi, Malam Idris Almakura da Babban Sakataren Hukumar Alhazai ta Jihar Nasarawa, sun yabawa Hukumar NAHCON bisa kokarin da ta yi. kuma suka bukaci Hukumar da ta ci gaba da aiki.
Malam Almakura ya bayyana cewa mambobin sun yi taron gaggawa a hukumar alhazai ta Abuja a daren jiya Sakataren hukumar alhazai na Abuja, Malam Abubakar Evuti ne ya karanta jawabin bayan taro ne ya karanta . A cikin sanarwar, Kungiyar ta yi kira ga NAHCON da ta magance matsalar wasu batutuwan da suka shafi membobin da suka hada da Tsarin Tattalin Arziki, manufa dangane da tagawar Likitoci ta Kasa, da al’amuran da suka shafi mayar da alhazai da sauransu.
A karshen taron, Kwamishinan Kudi na NAHCON, Alhaji Aliu Abdulrazaq wanda ke rike da shugabancin, ya tabbatar musu da cewa Hukumar za ta magance korafe-korafensu bayan kafa kwamitin da ya kunshi membobin bangarorin biyu. Wannan taro ya nemi taron zartarwa tare da Kwamishinonin domin tattauna wasu muhimman batutuwa.